विधिको सासन कार्यनवन गर्नमा आफु प्रतिवद्ध : प्रजिअ ढकाल 

Uttargaya Media Pvt. Ltd

२०७७ पौष १५, बुधबार

झङ्कनाथ ढकाल, इन्सेक, अनौपचारिक क्षेत्र सेवा केन्द्र

अनौपचारिक क्षेत्र सेवा केन्द्र इन्सेक नुवाकोटले मानव अधिकार वर्ष पुस्तक २०२१ को बार्षिक पूर्व समीक्षा गरेको छ । समीक्षा कार्यक्रममा नुवाकोटका प्रमुख जिल्ला अधिकारी झङ्कनाथ ढकालले मौलिक हक हनन हुन दिन नहुने बताउनुभएको छ । जिल्लामा जनताको जिउ धनको सुरक्षा गर्ने, मानव अधिकारको संरक्षण गर्ने, विधिको सासनको कार्यनवन गर्ने जस्ता कुरामा आफु प्रतिवद्ध रहेको बताउनुभएको छ । 
कार्यक्रममा विदुर नगरपालिकाका वडा नं. ४ का अध्यक्ष टलकमान श्रेष्ठले मानव अधिकार हननको घटनाहरुको स्वरुप परिवर्तन भएको बताउनुभएको छ । उहाँले अधिकार रक्षाका लागि र अधिकार हनन हुन नदिन सम्वन्धि सबै पक्ष चनाखो रहनु आवश्यक रहेको उल्लेख गर्नुभएको छ । 
इन्सेकले प्रकाशन गर्दै आएको वर्ष पुस्तक दस्तावेजको रुपमा रहने भएकोले त्यसमा मानव अधिकार हनन भएका घटनाहरुलाई सत्यतथ्य रुपमा समावेश गर्न कार्यक्रममा सहभागिहरुले जोड दिएका थिए । आयोजक संस्थाका नवदीप श्रेष्ठका अनुसार वर्ष पुस्तकमा समावेश हुने घटनाहरुको दायरा फराकिलो बनाउने विषयमा समेत छलफल भइरहेको बताउनुभएको छ । 

झङ्कनाथ ढकाल, इन्सेक, अनौपचारिक क्षेत्र सेवा केन्द्र