बेलकोटगढी नगरको ९८ करोड बजेट विनियोजन

नुवाकोट न्यूज
नुवाकोट न्यूज

२०७९ असार ११, शनिबार

बेलकोटगढी नगरपालिका, निति तथा कार्यक्रम

बेलकोटगढी नगरपालिकाले आठौ नगरसभा मार्फत आगामी आर्थिक वर्ष २०७९/८० को बजेट, नीति तथा कार्यक्रम सार्वजनिक गरेको छ । 
आगामी आर्थिक वर्षमा वेलकोटगढी नगरपालिकाले स्वास्थ्य, शिक्षा, कृषि सहित पूर्वाधार विकास, सहकारी, न्यायिक समिति, सस्थागत विकास तथा सेवा प्रवाह, महिला बालबालिका तथा जेष्ठ नागरिक लगायतको विषयलाई प्राथमिकता दिएर नीति तथा कार्यक्रम ल्याएको नगरप्रमुख जगतबहादुर लामाले जानकारी दिनुभएको छ ।
कृषि क्षेत्रलाई प्राथमिकतामा राखी आगामी आर्थिक वर्ष २०७९/८० मा भौगोलिक अवस्था अनुसार उच्च मूल्यमा बिक्रि हुने ओखर, किभी, एभोकाडो, लगायतका फलफूल र बालीको विस्तार एवं प्रवद्र्धनलाई नगरपालिकाले प्राथमिकता दिइने नीति तथा कार्यक्रममा उल्लेख गरिएको छ ।  
कृषकहरुलाई प्राङ्गारिक मलको प्रयोगमा प्रेरित गर्ने, प्रधानमन्त्री रोजगार कार्यक्रमलाई कृषिमा आबद्ध गराई कृषिमा रोजगारी सिर्जना गराउने, कृषकहरुको बाली हुने नोक्सानलाई कम गर्नको निमित्त बाली बीमा तथा पशुबीमा कार्यक्रम लागु गर्ने नीति वेलकोटगढी नगरपालिकाले लिएको छ । 
नगरपालिका प्रमुख लामाले प्रस्तुत गर्नुभएको निति तथा कार्यक्रम नगरसभाले सर्बसम्मत पारित गरेको छ । नीति तथा कार्यक्रममा भित्रको सबै स्वास्थ्य चौकीमा ल्याब र प्रसुती सेवा विस्तार गरी जेष्ठ नागरिक, द्धन्द पीडित, शहिद परिवार र दीर्घ रोगीहरुलाई निशुल्क स्वास्थ्य सेवाको विस्तार गरिने उल्लेख गरिएको छ । 
घरमा हुने सुत्केरी दरलाई सून्यमा ल्याउन र  मातृशशिशु मृत्युदर न्यूनिकरण गर्न नगरपालिकाले विशेष कार्यक्रम ल्याएको भन्दै नगरप्रमुख लामाले राष्ट्रिय महिला सामुदायिक स्वास्थ्य स्वयंसेविका र स्वास्थ्य कर्मीहरुलाई उत्प्रेरित र प्रोत्साहित गरी गुणस्तरीय स्वास्थ्य सेवा प्रवाहमा जोड दिइने बताउनुभएको छ ।
 

बेलकोटगढी नगरपालिका, निति तथा कार्यक्रम

त्यस्तै नगरपालिका भित्रको स्वास्थ्य सस्थाहरुमा सञ्चालन हुने कार्यक्रमहरु कुमरीमा रहेको सुकुमान मेमोरियल सामुदायिक पोलिक्लिनकबाट पनि सञ्चालन गर्ने व्यवस्था मिलाइने प्रमुखले प्रस्तुत गर्नुभएको निति तथा कार्यक्रम र बजेटमा उल्लेख गरिएको छ । 
त्यस्तै एक वडा एक बालमैत्री विद्यालय निर्माण गर्दै लैजाने नीति वेलकोटगढी नगरपालिकाले लिएको छ । नगरपालिकाभित्र सञ्चालित सरकारी विद्यालयहरुलाई सुविधायुक्त बालमैत्री विद्यालयको रुपमा सञ्चालन गर्नको लागि आवस्यक पूर्वाधार निर्माण गर्दै जाने नगरप्रमुख लामाले बताउनुभएको छ ।
नगरपालिका भित्रको सबै विद्यालयमा इन्टरनेटको पहुच बृद्धि गरी प्रविधि मैत्री शिक्षामा जोड दिइने, विद्यालय दिवा खाजा कार्यक्रमलाई व्यवस्थित बनाई स्थानीय उत्पादनको उपयोगमा जोड दिइने, सामाजिक परिक्षण सार्वजनिक सुनुवाई र सार्वजनिक लेखा परिक्षण मार्फत विद्यालयमा शुसासन पारदर्शिता र जवाफदेहिता अभिवृद्धि गरिने नीति तथा कार्यक्रममा उल्लेख छ । 

 

बेलकोटगढी नगरपालिका, निति तथा कार्यक्रम

नीति तथा कार्यक्रम पश्चात नगरपालिका उपप्रमुख शिवप्रसाद दाहालले  आगामी आर्थिक वर्षको ९७ करोड ९६ लाख ६० हजार रुपैयाँको बजेट प्रस्तुत गर्नुभएको छ । 
संघिय र प्रदेश सरकारको अन्तर सरकारी बितीय हस्तान्तरणका लागि विनियोजित सशर्त अनुदान ३३ करोड ३६ लाख ६० हजार रुपैयाँ संघ र प्रदेशबाटै बाडफाड भई आएकोले कुनै हेरफेर नगरी सोही बमोजिम हुने गरी नगरसभामा पेश गरिएको उपप्रमुख शिव दाहालले जानकारी दिनुभएको छ । 
कुल बजेट ९७ करोड ९६ लाख ६० हजार रुपैयाँमा सशर्त अनुदान घटाउदा ६४ करोड ६० रुपैयाँ  बाँकी रहने छ । बाँकी रहने उक्त रकम मध्ये चालु तर्फ २० करोड ७३ लाख रुपैयाँ र पूजिगत तर्फ ४३ करोड ८७ लाख रुपैयाँ विनियोजन गरिएको बजेटमा उल्लेख गरिएको छ ।

बेलकोटगढी नगरपालिका, निति तथा कार्यक्रम

You may also like: