गठबन्धनको प्रक्रिया अगी बढ्यो, १२ वटै तहमा गठबन्धन हुने

प्रभा ढुङ्गाना
प्रभा ढुङ्गाना

२०७८ चैत्र १९, शनिबार

गठबन्धन, नेपाली कांग्रेस, माओवादी केन्द्र, एकीकृत समाजवादी

जिल्लास्तरमा गठबन्धनको निर्णय गर्ने नुवाकोट पहिलो जिल्ला बनेको छ । नुवाकोटमा नेपाली कांग्रेस, नेकपा (माओवादी केन्द्र) र नेकपा (एकीकृत समाजवादी) पार्टीको बीचमा गठबन्धन गर्ने सहमति भएको छ । 
गठबन्धन दलहरु बिचको केन्द्रीय नीति अनुसार जिल्लामै गठबन्धनको अधिकार पाएकाले कांग्रेस,माओवादी र समाजवादीका नेताहरूले छलफल गरी शुक्रबार बेलुका प्रारम्भिक सहमति गरेर गठबन्धन गर्ने निर्णय गरेका छन ।
नेपाली कांग्रेसका सभापति रमेशकुमार महत, नेकपा मओवादी केन्द्रका संयोजक पुष्प लामिछाने र नेकपा एकीकृत समाजवादीका अध्यक्ष गोविन्द नेपालीको बीचमा गठबन्धन गर्ने र बाँकी भागवण्डाका लागि पुन छलफल गर्ने सहमति भएको छ । उहाँहरु तीनै जनाले संयुक्त हस्ताक्षर गरेर विज्ञप्ति जारी गरेका छन । 
 

गठबन्धन, नेपाली कांग्रेस, माओवादी केन्द्र, एकीकृत समाजवादी


गठबन्धन दलहरु बिचको छलफल र सहमतिमै नुवाकोटको १२ वटै स्थानिय तहमा गठबन्धन गरेर जाने बताईएको छ । 
यसअघि नुवाकोटको १२ वटा स्थानिय तहमध्ये सातवटा पालिकामा नेपाली कांग्रेस, तीनमा एमाले र दुइवटा तहमा माओवादी केन्द्रले जित हासिल गरेको छ ।